"რამდენიმე წუთის წინ დამთავრდა საქართველოს აკრედიტებულ უმაღლესი სასწავლებლების რექტორთა საბჭოს სხდომა, სადაც 2020-2021 სასწავლო წლის საშემოდგომო სემესტრის დაწყების შესახებ ინფორმაცია გააკეთა საქართველოს განათლების, მეცნიერების, კულტურისა და სპორტის მინისტრმა ბატონმა მიხეილ ჩხენკელმა. მიღებულ იქნა გადაწყვეტილება, რომლის თანახმადაც უმაღლეს სასწავლებლებში 2020 წლის შემოდგომის სემესტრში დაიწყება ჩვეულებრივ სააუდიტორიო რეჟიმში. გამონაკლის შემთხვევაში იქ, სადაც შეუძლებელია სტუდენტებს შორის ერთმეტრიანი დისტანციის დაცვა, შესაძლებელია სასწავლო პროცესის ონლაინ რეჟიმში წარმართვა, აქედან გამომდინარე, საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში 2020-2021 სასწავლო წლის შემოდგომის სემესტრი დაიწყება 14 სექტემბერს უნივერსიტეტის აუდიტორიებში (გარდა მაგისტრატურის საფეხურისა).
ინფორმაციას სასწავლო ცხრილებთან და ორგანიზაციულ საკითხებთან დაკავშირებით მოგაწვდით ოდნავ მოგვიანებით."
რექტორი, პროფესორი სერგო ვარდოსანიძე
