SANGU თავის სტუდენ
ტებს აძლევს შესაძლებლობას, უნივერსიტეტში ჩაბარებისთანავე იზრუნონ იმ უნარების განვითარებაზე რაც მათ დამსაქმებელთან ურთიერთობის დროს ეფექტური კომუნიკაციისთვის გამოადგებათ. აღნიშნული უნარების შეძენა-განვითარების მიზნით დასაქმებისა და კარიერული განვითარების სამსახური სტუდენტებისთვის მუდმივად მართავს დასაქმების ფორუმებს და შეხვედრებს დამსაქმებლებთან.
28 თებერვალს გაიმართა Online მასტერკლასი საჯარო რეესტრის ეროვნული სააგენტოს ადამიანური რესურსების მართვის უფროსთან - ლიკა კვირჭიაშვილთან. ტრენინგის ფარგლებში პრაქტიკოსმა HR მენეჯერმა ლიკა კვირჭიაშვილმა სტუდენტებს მისცა რჩევები CV-ის შედგენის თანამედროვე ტენდენციებისა და სამოტივაციო წერილის თავისებურებების შესახებ, საკუთარ გამოცდილებაზე დაყრდნობით გაუზიარა, თუ როგორ უნდა მოემზადონ და რა მნიშვნელოვანი დეტალები გაითვალისწინონ იმისათვის, რომ შედგეს დამსაქმებელთან ეფექტური გასაუბრება.
შეხვედრა ინტერაქტივის რეჟიმში წარიმართა.
