2022 წლის 2-4 ნოემბერს, საქართველოს განათლებისა და მეცნიერების სამინისტროს ორგანიზებით, საქართველოში პირველად ჩატარდება "ღია მეცნიერების ფორუმი", რომელიც სამმხრივი შეხვედრის ფორმატში - ევროკომისიისა და ევროპის ღია მეცნიერების ღრუბლის ასოციაციის მონაწილეობით გაიმართება.
ფორუმი მიზნად ისახავს ღია მეცნიერების ეროვნული პოლიტიკისა და სტრატეგიის შემუშავება -განვითარებას, ევროპის ღია მეცნიერების ღრუბელთან (EOSC) თავსებადი სამეცნიერო-კვლევითი ინფრასტრუქტურის განვითარების ხელშეწყობას და ეროვნულ დონეზე EOSC-ის ელჩების გადამზადებას, რაც ქართული სამეცნიერო და საგანმანათლებლო სივრცის საერთო ევროპულ სივრცესთან ინტეგრაციის პროცესში განსაკუთრებით მნიშვნელოვანია.
ფორუმი გაიმართება ჰიბრიდულ რეჟიმში (სამუშაო ენა - ინგლისური ენა). მასში მონაწილეობის მიღება შეუძლიათ საქართველოში არსებული უმაღლესი საგანმანათლებლო და სამეცნიერო-კვლევითი დაწესებულებების წარმომადგენლებს როგორც დასწრებულ, ისე ონლაინ ფორმატში.
გთხოვთ, დანართში წარმოდგენილი ფორმის მიხედვით უმოკლეს ვადაში მოგვაწოდოთ ინფორმაცია ქვემოთ მითითებულ ელექტრონულ მისამართზე შესაბამისი დაწესებულების წარმომადგენლის/წარმომადგენლების შესახებ, რომლებიც მონაწილეობას მიიღებენ ფორუმში.
დამატებითი ინფორმაციისთვის შეგიძლიათ მიმართოთ პროგრამის "მეცნიერების პოპულარიზაცია" კოორდინატორის ასისტენტს თეკლე ყალიჩავას.
ტელ: 597 945 145
E-mail: tekle.kalichava93@gmail.com
