ტრენინგი: მეგობართა წრე - ეფექტური ინტერვენცია სოციალური უნარების გასაუმჯობესებლად

ონლაინ ტრენინგი: "მეგობართა წრე - ეფექტური ინტერვენცია სოციალური უნარების გასაუმჯობესებლად" განკუთვნილია საგნის მასწავლებლების, დამრიგებლების, სპეციალური განათლების მასწავლებლების, სკოლის დამხმარე სპეციალისტების, მშობლებისა და ბავშვებთან მომუშავე ყველა პირისთვის, ვინც დაინტერესებულია მოსწავლეების სოციალური უნარების გაუმრჯობესებასა და ინტერვენციის დაგეგმვით.

მონაწილეები მიიღებენ ცოდნას და პრაქტიკულ ინსტრუმენტებს, რომლებიც დაეხმარებათ მოსწავლეების სოციალური ინტერაქციის გაუმჯობესებაში, ურთიერთობების ჩამოყალიბებაში და პოზიტიური თვითშეფასების განვითარებაში.

ტრენინგის შედეგები:
ტრენინგის მონაწილეები:

• გააცნობიერებენ სოციალური და ემოციური კომპეტენციების განვითარების თეორიულ საფუძვლებს სკოლებში;
• გამოავლენენ და შეაფასებენ მოსწავლეთა სოციალური ინტერაქციის საჭიროებებს, დასაბუთებული არგუმენტების გამოყენებით;
• შეიმუშავებენ და დაგეგმავენ თანამედროვე მიდგომებსა და აქტივობებზე დაფუძნებულ სტრატეგიებს მოსწავლის დამოუკიდებლობის ხარისხის გასაზრდელად;
• გააანალიზებენ და შეაფასებენ სოციალური ინტერაქციის, მიმღებლობის და პოზიტიური თვითაღქმის გავლენას სპეციალური საგანმანათლებლო საჭიროების მქონე მოსწავლის თვითშეფასებაზე;
• გაანალიზებენ მასწავლებლის როლის მნიშვნელობას მეგობრობის ჩამოყალიბების, შენარჩუნებისა და პოზიტიური ურთიერთობების დამყარების პროცესში;
• შეიმუშავებენ კონკრეტულ აქტივობებს მეგობართა წრის ინტერვენციის ფარგლებში მოსწავლეთა ინდივიდუალური საჭიროებებისა და ინტერესების გათვალისწინებით.

საფასური:

ტრენინგი ფასიანია – 90 ლარი. SANGU-ს კურსდამთავრებულებისა და „სპეციალური განათლების პედაგოგთა ასოციაციის“ წევრებისთვის ფასი შეადგენს 70 ლარს.

რეგისტრაცია:
ტრენინგზე რეგისტრაციისთვის გთხოვთ, გადახვიდეთ შემდეგ ბმულზე.

მსმენელთა რაოდენობა:
მონაწილეთა ოპტიმალური რაოდენობაა: 15-22 მსმენელი.

ტრენინგის ფორმატი და ხანგრძლივობა:
ტრენინგი ტარდება 3 დღის განმავლობაში ონლაინ ფორმატში და მოიცავს 9 საკონტაქტო საათს. თითოეული შეხვედრის ხანგრძლივობაა 3 საათი.

ტრენინგის ჩატარების თარიღი:

• თარიღი: 17, 18, 19 ოქტომბერი;
• დრო: 17:00-20:00 სთ.

ტრენინგის წარმატებით დასრულების შემდეგ მონაწილეებს გადაეცემათ სერტიფიკატი.

ტრენერები:
სპეციალური განათლების მაგისტრები: მაია გიგაური და მარიამ დვალი.

უნივერსიტეტის საბანკო რეკვიზიტებია:

ა(ა)იპ საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი

გთხოვთ, გადახდისას დანიშნულების ველში მიუთითოთ თქვენი სახელი და გვარი.