შოთა რუსთაველის საქართველოს ეროვნული სამეცნიერო ფონდი აცხადებს 2025 წლის ახალგაზრდა მეცნიერთა კვლევების გრანტით დაფინანსების კონკურსს
კონკურსის სახელწოდება: ახალგაზრდა მეცნიერთა კვლევების გრანტით დაფინანსების კონკურსი
კონკურსის აბრევიატურა: YS
კონკურსის მიზანი: კონკურსის მიზანია ახალგაზრდა მეცნიერთა სამეცნიერო-კვლევითი პროექტების მხარდაჭერის გზით ხელი შეუწყოს მათი კვლევების ხარისხის გაუმჯობესებას, სამეცნიერო თანამშრომლობის გაღრმავებას და აკადემიურ საქმიანობაში ჩართულობას.
საპროექტო განაცხადის ტიპი: ინსტიტუციური
კონკურსის ძირითადი პირობები:
- დასაშვებია განაცხადის წარდგენა შემდეგ სამეცნიერო მიმართულებებში:
- ზუსტი და საბუნებისმეტყველო მეცნიერებები
- ინჟინერია და ტექნოლოგიები
- სამედიცინო და ჯანმრთელობის მეცნიერებები
- აგრარული მეცნიერებები
- სოციალური მეცნიერებები
- ჰუმანიტარული მეცნიერებები
- საქართველოს შემსწავლელი მეცნიერებები
- პროექტის წარდგენა შეუძლია ახალგაზრდა მეცნიერს (დოქტორის ხარისხი მიღებული უნდა ჰქონდეს 2018 წლის 16 აპრილის შემდეგ), მასპინძელ ორგანიზაციასთან ერთად.
- პროექტის ხანგრძლივობა უნდა იყოს 2 წელი.
- ფინანსური მოთხოვნა: არაუმეტეს 30,000 ლარი წელიწადში / 60,000 ლარი მთლიანად.
- პროექტს შეიძლება ჰყავდეს მენტორი, კონსულტანტები და დამხმარე პერსონალი.
- დასაშვებია თანადაფინანსება.
კონკურსის პირობების სანახავად, გადადით ბმულზე.
