31 მაისს, 13:00 საათზე, ქართული უნივერსიტეტის შიდა ეზოში გაიმართება "SANGU-ს ჩემპიონატი ჭადრაკში 2019". ჩემპიონატში მონაწილეობის მსურველებმა, საჭიროა 31 მაისის ჩათვლით გაიაროთ რეგისტრაცია ბმულზე: http://bit.ly/2Mfp0Vg
"ქართული უნივერსიტეტის ჭადრაკის ჩემპიონატი 2019-ის" დებულება
მიზნები და ამოცანები
ტურნირის მიზანია სტუდენტებს შორის ჯანსაღი, სპორტული და ინტელექტუალური ცხოვრების წესის პოპულარიზაცია, დამკვიდრება, გამარჯვებულების გამოვლენა, საქართველოს უნივერსიადაზე ჭადრაკში მონაწილეების შერჩევა.
ორგანიზატორები
ტურნირი ხორცილედება ქართული უნივერისტეტის სტუდენტების მიერ, ქართული უნივერსიტეტის სპორტისა და სტუდენტური ცხოვრების ორგანიზების სამსახურის მხარდაჭერით.
მონაწილეები
ტურნირზე მონაწილეობის უფლება აქვს მხოლოდ ქართული უნივერსიტეტის სამივე საფეხურის სტუდენტებს (ბაკალავრიატი, მაგისტრატურა, დოქტორანტურა), რომლებიც გაივლიან რეგისტრაციას, შეჯიბრზე მონაწილეობა უფასოა.
ტურნირის ჩატარების დრო და ადგილი
ტურნირი ჩატარდება 2019 წლის 31 მაისს; 13 საათიდან - 19:00 საათამდე, ქართული უნივერსიტეტის ეზოში (უამინდობის შემთხვევაში, ქართული უნივერისტეტის საგამოცდო დარბაზში).
ტურნირის რეგლამენტი
ტურნირი ჩატარდება შვეიცარიული სისტემით, ტურების რაოდენობა განისზღვრება მონაწილეთა რაოდენობის საფუძველზე, მოგება 1 ქულა, ყაიმი - 0,5 ქულა, წაგება - 0 ქულა, ერთი პარტიისთვი მოთამაშეს აქვს 10 წუთი , ყოველი შესრულებული სვლა მოთამაშემ უნდა დააფიქსიროს საათზე ხელის დაჭერით, რის შემდეგაც იწყება მოწინააღმდეგის დროის ათვლა, საათის ისრის ჩამოვარდნა ნიშნავს წაგებას.
ტურნირის ხარჯები
ტურნირის ჩასატარებელ ხარჯებს სრულად დაფარავს ქართული უნივერსიტეტი
დაჯილდოება
ტურნირის პირველ, მეორე, მესამე ადგილზე გასული მონაწილეები დასაჩუქრდებიან მედლებით, სიგელებით და სამახსოვრო საჩუქრებით, დაჯილდოვება შედეგბა ტურნირის დასრულების შემდგომ.
