მოგესალმებით,
როგორც თქვენთვის ცნობილია საქართველოს განათლებისა და მეცნიერების სამინისტროს რეკომენდაციით უნივერსიტეტებს 4 ოქტომბრიდან მიეცა შესაძლებლობა დაბრუნებოდნენ სააუდიტორიო სწავლებას. სხვა მრავალი სასწავლო დაწესებულების მსგავსად, წმ. ანდრიას ქართულმა უნივერსიტეტმა მიიღო გადაწყვეტილება, განათლების ხარისხის შენარჩუნების მიზნით, შემოდგომის სემესტრის შუალედური გამოცდები ბაკალავრიატის სტუდენტებისთვის ჩატარდეს უნივერსიტეტში.
ამ ეტაპზე უნივერსიტეტს გააჩნია ყველა საჭირო რესურსი, იმისათვის რომ საგამოცდო პროცესი წარმართოს აუდიტორიებში. საგამოცდო პროცესის მსვლელობისას სრულად იქნება დაცული ყველა საჭირო კოვიდრეგულაცია, თქვენ დაგხვდებათ უსაფრთხო და კომფორტული გარემო.
თუ სახელმწიფოს მხრიდან, კვლავ დაწესდება რაიმე სახის შეზღუდვა, უნივერსიტეტი დაწესებული შეზღუდვების შესაბამისად იმოქმედებს.
გელოდებით SANGU-ში,
გისურვებთ წარმატებას!
