ცხადდება GFI საგრანტო კონკურსი

შოთა რუსთაველის ეროვნული სამეცნიერო ფონდისა და საქართველოს ფრანგული ინსტიტუტის ერთობლივი კონკურსი

შოთა რუსთაველის საქართველოს ეროვნული სამეცნიერო ფონდი აცხადებს 2025 წლის საგრანტო კონკურსს „GFI – ერთობლივი კვლევითი სტაჟირების პროგრამის“ ფარგლებში, რომელიც ხორციელდება საქართველოს ფრანგულ ინსტიტუტთან თანამშრომლობით.

კონკურსის მიზანია ხელი შეუწყოს საქართველოსა და საფრანგეთს შორის სამეცნიერო თანამშრომლობის გაღრმავებას, ახალგაზრდების პროფესიული განვითარებისა და საერთაშორისო კვლევით პროექტებში ჩართულობის გზით.

ძირითადი პირობები:

• კონკურსში მონაწილეობა შეუძლიათ საქართველოს მოქალაქე იმ პირებს, ვისაც მინიჭებული აქვთ დოქტორის ან მასთან გათანაბრებული აკადემიური ხარისხი და აღნიშნული ხარისხი მიღებული აქვთ არაუმეტეს 12 წლის წინ.
• აპლიკანტს უნდა გააჩნდეს საფრანგეთის უნივერსიტეტის ან კვლევითი ინსტიტუციის ოფიციალური მხარდაჭერის წერილი.
• მონაწილეებმა უნდა ფლობდნენ ინგლისურ ან ფრანგულ ენას.
• სტაჟირების ხანგრძლივობა საფრანგეთში შეადგენს 1 თვეს.

კონკურსში მონაწილეობა შესაძლებელია ინდივიდუალური საპროექტო განაცხადით. დამატებითი დეტალებისა და რეგისტრაციის პროცედურისთვის მიმართეთ შოთა რუსთაველის ეროვნული სამეცნიერო ფონდის ოფიციალურ ვებსაიტს.

დეტალური ინფორმაცია კონკურსის შესახებ გთხოვთ, იხილოთ ფონდის ვებგვერდზე.